السيسي لا أحب توزيع الفلوس على الناس

قال الرئيس عبد الفتاح السيسي خلال افتتاح عدد من المشروعات في قنا إنه لا يحب توزيع المال على الناس ولكنه يحب أن يوفر فرصة عمل و”يجعل المواطن يثق في نفسه !!

كان السيسي، قد وصل إلى مقر افتتاح سلسلة من المشروعات القومية الجديدة بمحافظة قنا.

وأضاف السيسي: “معندناش مشكلة إن إحنا نعمل والناس تشتغل، التفريق مشكلة عندى، ومحبش أفرق فلوس على الناس ده كلام مش مظبوط.. عاوزه يكبر ويثق في نفسه ويكون عنصر داعم للاقتصاد المصري”.

وتابع:  “مش عايز اديله السمكة عاوزه يصطاد”.

وقال  «أنا بستهدف في المرحلة اللي إحنا فيها دي إن إحنا نكفي السوق المحلية طلباته، أنا النهارده لما ألبس قميص من مصر وكل المستلزمات الأخرى تبقى كدا بمستوى زي الموجود برة.. أنا مش وفرت فرص عمل ووفرت عملة صعبة بيتجاب بيها المنتجات دي من الخارج وزودت الناتج المحلي مش كده».

استنى يا كامل

وشهد اللقاء مقاطعة السيسي، كلمة اللواء كامل الوزير، وزير النقل، الذي تحدث عن وجود مشكلة في ركائز أحد الكباري، موضحًا: «استنى يا كامل، أحسن الناس تاخد الكلام على إن الكباري فيها مشكلة يا كامل».

وأضاف «الموضوع إن حصل مشكلة صغيرة خالص في ركيزة واحدة، وإحنا عاملين حجم كباري كبير جدًا، كلها طبقا للمواصفات وكل الحاجة اللي فيها زي الفل، لكن هذه الشركة اجتهدت وكانت تحتاج دعمًا فنيًا عشان تخلص.. والفكرة كانت المساءلة».

وتعرض عدد كبير من كباري الجيش للسقوط، بسبب مشكلات إنشائية، كما تعرض آلاف التلاميذ للتسمم بعد تناول الوجبات الغذائية المدرسية، التي ينتجها الجيش ويوزعها على المدارس، مقابل تكاليف باهظة.