مصر

السيسي من كاتدرائية العاصمة الإدارية : محدش ها يقدر علينا

قال الرئيس عبد الفتاح السيسي في كلمته، فى قداس عيد الميلاد، بكاتدرائية ميلاد المسيح بالعاصمة الإدارية الجديدة : إنه لا أحد يستطيع جرجرة مصر لأي أمر هنا أو هنا، ومحدش يقدر يعمل معانا حاجة ومحدش هيقدر علينا . 

وأضاف السيسي : “نحن نتعامل بشرف في زمن مافيهوش شرف وربنا مطلع علينا وهينصر الاشراف”.

مشيداً باستقبال المسيحين له :” اسمحوا لي أن أقول إن استقبالكم لي جميل ورائع، وقد إية إننا نحب بعضنا، وده أمر جميل”، وهتف الحضور فى الكاتدرائية: “بنحبك ياريس”، فرد السيسي: “وإحنا كمان بنحبكم والله”.

كاتدرائية العاصمة الإدارية

وأضاف “السيسي”، خلال زيارته  كاتدرائية العاصمة الإدارية الجديدة أنه تعود خلال السنوات الماضية أن يأتي كل عام للكاتدرائية من أجل تهنئة الشعب المصري بعيد ميلاد المجيد، مضيفًا: ” زي ما اتعودنا في الأعياد وبداية كل سنة نيجي نحتفل معاكم ونهنئكم ونقول عيد ميلاد مجيد ويوم سعيد وسنة سعيدة علينا كلنا”.

وتابع : ” لازم ديما نبقى مخليين بالنا من علاقتنا ببعض، الكلام ده لكل الناس، إذا كنتم بتحبوا ربنا حبوا بعضكم، متخلوش حد أبدًا يتدخل بينكم ويحاول يوقع بينا، مصر دي هتفضل بلدنا كلنا”، مؤكدًا أن مصر ستظل بلد الجميع: “البلد دي هتفضل بلدنا كلنا لا حد فيه زيادة ولا فيه حد فيه نقص”.

وأضاف: “دى ثقافة وعادات وتقاليد بينا، دايما مع بعض، كل واحد خليه يعرف أنه زيه زي أخوه، كلنا زي بعض إن شاء الله، أي محاولة للفتن أو الوقيعة نتنبه لها ويبقى مخنا وقلبنا أكبر منها”.

السيسي من كاتدرائية العاصمة الإدارية : محدش ها يقدر علينا

قلقانين من إيه

وتساءل السيسي “أنا شايف المصريين قلقانين يعني، قلقانين من إيه”، موضحًا أنه لا مجال للقلق بين المصريين لسبب واحد وهو أن الشعب المصري دائما يد واحدة، مستطردًا: “طول ما إحنا مع بعض محدش يقدر يعمل معانا حاجة، وربنا أراد إننا نكون في ظروف صعبة”.

وأضاف “السيسي”: “إحنا في ظروف صعبة، زي ما إنتوا شايفين الدنيا عاملة إزاي، بس ده لينا وعلينا، لينا عشان نلاحظ وناخد بالنا، حد يقول ممكن كان يبقى حالنا كده، أنا بقوله أيوة، كان ممكن تبقى ظروفنا كده، أيوة، بس لازم نخلي بالنا من بلدنا، طول ما إحنا مع بعض وطول ما الشعب المصري إيد واحدة مفيش حد يقدر يعمل معانا أو فينا حاجة”.

وتابع: “طول ما إحنا إيد واحدة محدش يقدر يجرجرنا هنا ولا هنا، إحنا قادرين بفضل الله وبدعوات الناس الطيبين زيكم إن ربنا يلهمنا الصدق والبصيرة ونبقى شايفين الإجراء الأفضل اللي ممكن نعمله”.

وواصل : “لازم تعرفوا أننا بنتعامل بشرف في زمن مفيش فيه شرف، ربنا موجود فوق ومطلع علينا ولا يمكن ربنا ينصر إلا الأشراف والمخلصين والأمناء والمحبين لبعضهم البعض، لازم نبقى كلنا مع بعض، كل عام وانتم طيبين “.

كاتدرائية ميلاد المسيح

وبحسب الكنيسة القبطية الأرثوذكسية، منحت كاتدرائية ميلاد المسيح  نحو 2500 دعوة لشعب الكنيسة والمسؤولين والشخصيات العامة، التي تقدمت بطلبات إلى الكاتدرائية، للحصول على تلك الدعوات بدخول القداس.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى