استمراراً لسياسات إلغاء الدعم عن الشعب المصري الفقير، صرح الرئيس عبدالفتاح السيسي إنه “يتم إصدار بطاقات تموين جديدة للمتزوجين، وسيتم تخفيض البطاقات القائمة إلى فردين فقط”.
وتابع السيسي في كلمته خلال افتتاح مشروعات بالصعيد اليوم الأربعاء: “لن نضع بطاقة تموين لأكثر من فردين في اللى فات وفي الجديد لا مفيش”.
السيسي يقرر تخفيض بطاقات التموين
وأضاف: “أنا لا يمكن هدي بطاقة تموين تاني لحد بيتجوز لأنك بتبقا بتتجوز ومستنى إن الدولة تديك بطاقة تموين .. أنت مش قادر تصرف إزاي يعني ده كلام مش مظبوط، دي ثقافة اتشكلت في وجدان الناس مش موجودة في غير بلدنا إحنا بس”.
وزاد: “اشترى الحاجة أقل من ثمنها وكمان لما أخلف أخلي حد يأكلي عيالي، ده في البلد دي بس، علشان كده البلد مقدرتش تقوم خلال السنوات اللى فاتت”.
وأكمل السيسي: “النهاردة يوم جميل أوي، وبقولكم بصراحة، وهقول حاجة ومحتاج نفكر فيها.. القيمة الاستثمارية على مدار السنوات قبل تولى المسئولية في حدود 30 مليار جنيه في 30 سنة يعنى 900 مليار جنيه واحنا فى 7 سنوات أنفقنا في متوسط التريليون جنيه”.
وأضاف: “أنتم كمصريين هيجى عليكم وقت وتقولوا مش عارفين نعيش والحكومة مقصرة، لا نقوم نغير ونهد الدنيا.. كل اللى عندك فى دماغك هد الدنيا.. أيوه وأنا مسئول عنكم بفكر في الدولة المصرية والحفاظ عليها، إيجاد أسباب نمو مناسبة وتوفير الرخاء على قد ما بنقدر، في إطار ما المعادلة الصعبة اللى بنتكلم فيها مع بعض”.
الشعب المصري الفقير
وكان السيسي قد تعهد في أغسطس الماضي برفع الدعم عن الخبز، وأسماه هذه المرة بالتنظيم.
وقال السيسي حينها: “أنا مش هلغي الدعم لكن هنعيد تنظيمه وأنا بتصدى للقضايا زي ما تصديت لغيرها، ولازم ارتب ورق البلد دي عشان تبقى دولة ذات شأن”.
يذكر أن مصر شهدت خلال السنوات الماضية من حكم السيسي، ارتفاع غير مسبوق في أعداد الفقراء لتصل لأكثر من ثلثي المصريين.
وزاد من تفاقم الوضع التضخم الذي ضاعف الأسعار، وتقلص القوة الشرائية للعملة بنسبة تزيد على 100%، إضافة إلى استمرار ارتفاع نسبة البطالة.
