“بدون كمامة”… غضب بعد حضور رئيس الوزراء حفل زفاف نجل الكابتن أحمد ناجي
أثار حضور رئيس مجلس الوزراء مصطفى مدبولي، حفل زفاف نجل الكابتن أحمد ناجي، مدرب حراس منتخب مصر السابق، بدون كمامة غضب المصريين، مؤكدين أنه لم يلتزم بالإجراءات الاحترازية المفروضة على الشعب في ظل ارتفاع حالات الإصابة بفيروس كورونا.
وظهر مدبولي في حفل الزفاف “بدون كمامة” بعد ساعات الحظر الرسمية، في الوقت الذي يُفرض فيه إغلاق القاعات، والمحال والمقاهي والمطاعم في الساعة 9 مساءً، بدعوى مواجهة انتشار فيروس كورونا.
غضب المصريين
وقال أحد الحسابات على موقع تويتر: “يا مصطفى بيه ..طب ماهو لو كده بأه ،، يبقى أول ما الساعة ٩ تيجي الشعب يقفل المحلات و يروح يحضر أفراح معاكوا من غير ماسكات ولا بتاع.. عادي يعني !!”.
وتابع: “الصورة من فرح ابن كابتن أحمد ناجي مدرب حراس مرمى المنتخب إمبارح… الدرس المستفاد : الأفراح بتاعتنا إنما الكورونا مش بتاعتنا”.
أما المغرد محمد هشام أمير فتساءل: “اخبار الاحترازية ايه.. اخبار كورونا والكمامة ايه ..اخبار العدوى ايه ..اخبارك يا للي قفلت رزق الناس وحطيت علي ناس وناس ايه .. حسبنا الله ونعم الوكيل فيك.. وهيفضل الظلم عايش وسطنا الى اخر ايامنا”.
وطالب بـ #اقاله_مصطفى_مدبولي
أما المغردة تبولة التويتي فقالت :طب لما رئيس وزراء مصر اللى طلع قرار بغلق كل المحلات الساعة ٩ مساءا … راح نفس الفرح اللي عليه الضجة الساعة ١١ م وبدون كمامة يبقى اسمه ايه؟”.
