مصر
زيادة أسعار تذاكر القطارات
قال وزير النقل اللواء كامل الوزير فى مداخلة هاتفية مطولة مع أحمد موسى في برنامجه “على مسؤوليتي” إن وزارة النقل تدرس زيادة أسعار تذاكر القطارات.
زيادة أسعار تذاكر القطارات
ولم يفصح الوزير عن نسبة الزيادة المزمعة في أسعار تذاكر القطارات.
وارتفعت تذاكر القطارات بين مراكز المدن من جنيه واحد إلى 5 جنيهات بدون إعلان ذلك فى وسائل الإعلام.
وكان الرئيس السيسي قد دعا لزيارة سعر تذاكر القطارات، واعتبر أن السعر يقف وراء كل أزمات السكة الحديد.
وفيما زعم كامل الوزير، أن هناك عربات وجرارات جديدة و حديثة ومتطورة دخلت الخدمة تليق بالشعب المصرى!! شكا مواطنون من أن بعض خطوط القطارات تأخرت ليوم كامل ، 24 ساعة، فى فضيحة من العيار الثقيل.
تأخر القطارات
وقال الناشط الحقوقي نور خليل: ممكن عشان أي ظرف القطار يتأخر ساعة ولا اتنين في رحلته، إنما قطارات تتأخر في طريقها لمدة يوم كامل ده مبيحصلش، يعني ايه قطار يطلع من أسوان الجمعة يوصل القاهرة الأحد؟ ومش قطار واحد ده الموضوع مستمر لحد النهاردة واللي بيوصل قطره سواء في الذهاب أو العودة في ٣٠ ساعة بيحمد ربنا، كبار سن وأطفال ومرضى ( منهم اللي رايح يخلص مصلحة أو عنده كشف ) قاعدين في القطر طول الوقت ده بدون حمام بعد ما خلصت المياه اللي فيه وبدون اكل وبدون مساعدة بتتقدم لهم من هيئة السكك الحديدية أو الحكومة، والقطر مبيقفش في أي محطة يسمح لهم بحمام أو أكل، معاملة مهينة من الموظفين ومحدش بيقول ايه اللي بيحصل ولا كأنهم شاحنين بهايم.
اللي بيحصل ده قلة أدب ووساخة، جريمة إهمال وتقصير واستهانة بأرواح البشر.
وحلقة في سلسلة طويلة من إهمال قبلي لدرجة عدم الاهتمام باللي بيحصل أصلا أو الكلام عنه وكإنهم مش موجودين، اعتقد لو جريمة زي دي حصلت في خطوط بحري كان زمان مصر كلها بتتكلم عنها .
