كشفت المذيعة “سالي عبد السلام”، عن تعرضها للتحرش من شاب أثناء تواجدها فى إحدى محطات البنزين الشهيرة.
ووثّقت سالي عبدالسلام عبر مقطع فيديو نشرته على موقع “انستجرام”، تعرضها للتحرش أثناء تواجدها برفقة صديقة لها داخل سيارتها أثناء تواجدها بمحطة وقود.
Instagram will load in the frontend.
التحرش بالمذيعة سالي عبد السلام
وعلقت “سالي” على الفيديو، قائلة: “ده واحد وانا قاعدة من شوية فى العربية ومنزلتش حتى بشرب كوفى انا وريم صاحبتى فى البنزينة اللى جمب بيتى جه يستظرف “معاكى شاحن؟؟” رديت بكل ادب لا.. وداخل بدماغه يشوف !!.. بعدها انتى متضايقة ليه!!؟”.
وأضافت: “قولتله حاجة متخصكش واتفضل امشى !!.. لااااا متكلمنيش كدة!!!..قولتله اتفضل من هنا!!.. مفيش!!!!.. ولسه هيقل ادبه و يستظرف تانى..صورته فيديو !!”
واستكملت المذيعة سالي عبدالسلام، قائلة” لما الناس اتلمت بيقولهم كنت بطلب شاحن! الرجالة بقيت بتقوله هو معلش!!!”.
ووجهت سؤالاً قائلة: “السؤال هل هو العادى ان اى حد ممكن يكلم بنات ويستظرف ويدخل جوا العربية وعايزنا نسكت؟؟!.. ليه!!!؟؟؟ احنا حصلنا ايه؟؟؟!”.
وتابعت قائلة: “السؤال بقى هو مين ده؟؟ وهل ده عادى؟.. فى بنات هتقبل ده عادى!! مجتمعنا شايف انه عادى؟ ولما اقوله امشى ميمشيش”.
ونشرت سالي التفاصيل الكاملة لبيانات سيارة المتحرش مؤكدة أن المنشور بمثابة بلاغ للجهات المسئولة وتوعدت بعدم ترك حقها.
