أكدت الفنانة شيرين عبد الوهاب استحالة عودتها لزوجها السابق، الفنان حسام حبيب، ووجهت له عدة اتهامات صادمة، ما دفعه للتأكيد أنه سيتخذ إجراءات قانونية ضدها.
تصريحات شيرين عبد الوهاب
وقالت شيرين في مداخلة مع الإعلامية لميس الحديدي في برنامج “كلمة أخيرة” المذاع عبر قناة ON : “أنا خرجت من العلاقة دي بالوكسة والهم والحسرة والندم”.
وأضافت : “هو ممنوع يقرب مني لإنه إنسان خطر، وأنا زي الفل بس لازم أتعالج منه ومن آثاره، وآثار ناس مقدروش قيمتي، ولازم مهري يكون 10 مليون دولار”.
وقالت شيرين: “تم طلاقنا بعد حلق رأسي وكان طلاق بائن وبعد أن هدأت من الكارثة شعرت أني لا أستطيع الاستغناء عنه ولازم أديله فرصة تانية وأن ماينفعش نبعد عن بعض بفجر في الخصومة وكنت مؤمنة أن العلاقة مقدسة وكنت بحبه وفاكراه ابني مش جوزي وعملتله إستوديو لشغلنا وقمت بشراء كل الأغاني التي أعجبته بشيكات بإسمي عشان ما تروحش منه”.
وتابعت : “أنا ست بخلف زي الفل، أربع سنين معاه ربنا مأرادش الخلفة منه ليه، عشان يحميني منه وعشان دعاء الناس اللي شايفاني بضيع، أنا أستاهل ضرب الصرمة إني دافعت عنه”.
وردا على سؤال هل توجد فرصة لعودتها له مرة أخرى؟ قالت : “وربنا أتجوز الفيل أبو زلومة، أروح أتجوز قرد من جنينة الحيوانات، ولا أتجوز حسام حبيب”.
ثم قالت شيرين: “عمري في حياتي ما اتأذيت بالشكل ده غير منه”.
وأضافت: “حسام إنسان فاضي وقلبه أسود ومش بحبه.. حبِّتُه عقربة مش لاقيه تنام فيها.. أنا في حياتي عمري ما اتأذيت بالشكل ده غير منه.. إنسان قلبه أسود.. إنسان فاضي ويغتاب كل الناس”.
وواصلت قائلة: “أنا خرجت من العلاقة دي بالوَكْسَة والهم والندم وبكل حاجة وحشة.. وعملت له محضر بعدم التعرض ليا ولبناتي، أنا عاوزة أستغفر ربنا لأني كدبت كتير على الناس، وحاولت أجمّل صور حسام حبيب، وأنا مبحبش الكدب، وكنت بجمل صورته بس عشان يغور ويتجوز وأرتاح منه، وعربيتي المرسيدس كانت باسمه، واتسرقت وإحنا في الساحل الشمالي”.
مضيفةً أنها “في حاجة للحصول على العلاج” من آثار علاقتها به. وتحدثت عنه قائلةً: “حسبي الله ونعم الوكيل في حسام حبيب وكل راجل زيه”، مشيرة إلى كونه “مريضا نفسيا ويحتاج إلى العلاج”
واختتمت بالقول: “بقول لحسام حبيب فوق يا ابني واعرف أنت بتكلم مين.. أنا من القلعة.. دا أنا أتجوز الفيل أبو زلُّومة أو القرد اللي في جنينة الحيوانات ولا أرجع له تاني”.
رد حسام حبيب
من جانبه، رد الفنان حسام حبيب على تصريحات شيرين عبد الوهاب، وقال خلال تسجيل صوتى عبر برنامج Et بالعربي: “هيكون فى إجراء قانوني وأنا عمري ما دفعت عن نفسي وعمري ما تكلمت وده كلام مرسل والكلام اللي هرد به كلام بالمستندات”.
وأضاف حبيب: “بحاول أحافظ على سمعتها وبيتها ومكنتش بتكلم لكن دلوقتى هضطر اتكلم، هاتكلم بحقائق تثبت أن الكلام ده كله تهديد وابتزاز منها عشان اسمع الكلام وبتهدد ديما بجمهورها ..وهرد فى الإعلام كله بحقائق وبالقانون”.
