مصر

سناء سيف: لو علاء عبد الفتاح مات ثمنه السياسي هيبقى عالي

حذرت الناشطة سناء سيف من موت شقيقها علاء عبد الفتاح فى سجن وادي النطرون، وهددت بأن دمه حال وفاته لن يكون رخيصاً .

علاء عبد الفتاح 

ودخل علاء عبد الفتاح شقيق سناء، والذي اعتقل على مدار سنوات حكم السيسي، فى إضراب مفتوح عن الطعام منذ ما يقارب الشهرين.

وأضافت سناء سيف فى تدوينة على حسابها على فيس بوك : فاكرين لما قلتلكم الأمل بدأ يتسرسب لعلاء عشان كدا حول إضرابه جزئي وبقى ياخد ١٠٠ سعر في اليوم عشان يكسبنا وقت؟

النهارده هو قال لمنى أنا مش هخرج بطلوا تفكروا بالطريقة دي. أنا هموت هنا شهيد.

وتابعت : “مش عارفة هنعرف ننقذ أخويا ولا لا. كل اللي أقدر أعمله هو إني أضمن إن لو أخويا مات ثمنه السياسي هيبقى عالى. وهو دا اللي أنا شغالة عليه من ساعة ما سافرت، حاجات كتيرة مكنتش بحكي عنها في العلن لعل وعسى ألاقي كائن عاقل تايه عندهم ونوصل لاتفاق.

وأضافت : “أنا خايفة أوي على علاء بس مرتاحة لحاجة واحدة بس، دم أخويا مش رخيص، أنا هضمن دا”..

ووصفت أسرة علاء عبد الفتاح تفاصيل زيارته اليوم :

الزيارة كانت ٢٠ دقيقة في كابينة بينا حاجز زجاج وبنتكلم بالدور من خلال سماعة. 

الزيارة كانت كلها زعيق وغضب بس.

 اتفاجئ بأن جواب يوم الخميس ما خرجش، هم ما بلغوهوش انهم منعوه، وقال انه كان كاتب فيه بالتفصيل منهج إضرابه عن الطعام واستلهامه نضال غاندي، وكان كاتب وشارح فيه مطالب الاضراب لأنه لحد دلوقتي ما خرجش مطالبه بصياغته هو، كل حاجة تخص مطالب اضرابه منقولة عن طريقنا بالكلام.

خاسس قوي عن آخر مرة شوفته، دراعاته بالذات رفيعة اوي، لكن طلبت منه يرفع التيشرت ويوريني بطنه واطمنت اما لقيت لسة فيها حبة دهون.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى