مصر

محمد علي في ثاني فيديو له يهاجم السيسي، ويؤكد: “أنا مش إخوان”

هاجم للمرة الثانية، الفنان ورجل الأعمال المصري محمد علي، الرئيس المصري عبد الفتاح السيسي وقادة الجيش، في مقطع فيديو جديد، بثه مساء الأربعاء، ورد على اتهام وسائل إعلام مصرية له بالعمالة للإخوان.

وقال علي في الفيديو الجديد: “أنا نزلت الفيديو الأول عشان الناس المحترمة اللي كانت بتشتغل معايا، وبتشتغل مع القوات المسلحة، إحنا عندنا خلاف في الفلوس، وكنت بوضح وجهة نظري، هل الفلوس دي عندي، وأخذتها وهربت، ولا موجودة عند الجيش، واستشهدت بيني وبين المؤسسة العسكرية بالشعب المصري، لأن ما عنديش الهاكر أو الإمكانيات اللي عندهم، عشان تهددوني، بعد ما عملتوا بلوك للفيديو بتاعي”.

ونفى “علي” في الفيديو، الاتهامات التي وجهت له من أنه تابع لجماعة الإخوان المسلمين، حيث قال: “رقم واحد أنا مش إخواني، ده موضوع وهمي عشان تقولوه، لأن والدي كان بطل مصر في كمال الأجسام، واشترك في بطولات عالمية في نهاية الستينيات، وفترة السبعينيات، لما كان في أبطال رياضة، وكان من ضمن النخبة في المجال، وأنا طلعت زي والدي بحب الرياضة، وبحب البطولات”.

ووجه “علي” حديثه إلى السيسي قائلاً: “شايفك عامل فيها راجل رياضي، ومقضيها عجل كتير، بس الحقيقة أنت مهيس ومليس”.

وتابع علي: “أنا بشرب سجائر، ومش عاوز أكمل الباقي، شوف لك حجة أحسن من موضوع الإخوان، ماعنديش الأجهزة بتاعتك اللي بتراقب، إحنا نتراقب، لكن أنت لأ.. خالد يوسف يتصور، لكن أنت رجل شريف.. فبلاش الحركات الدنيئة الواطية زي شيلوا الفيديو بتاعه، وشوفوا قاعد فين وروحوا اقتلوه، أو اخطفوا أمه، واخطفوا أبوه”.

واستكمل قائلاً: “خليك محترم عشان شكلك هايبقى مهزأ يا راجل يا مهزأ.. موضوع الإخوان ماينفعش تقوله، لأن عندي تاريخ اسمه الكابتن علي عبد الخالق (والده).. ثم إيه اللي دخل الإخوان مع احترامي الكامل لهم؟! أنا أول واحد نزلت في مصر، وقلت: لأ لمحمد مرسي (الرئيس الراحل)، وأنت مش عاجبني.. إحنا ناس بتوع شقا، وبشتغل من وأنا عندي 15 سنة.. أنا واحد من الناس اللي قررت تتكلم، ولسه هانحكي للناس ليه اشتغلت معاكم”.

وتسائل قائلاً: “أنا عاوز أعرف العسكريين بيفكروا إزاي؟!، وبيحبوا البلد إزاي؟!، وكلامهم كله عن الكرامة والإخلاص. كلها شعارات، وفجأة لاقينا الموضوع غير كده. فعاوزين نتكلم كلام محترم، ومن راجل لراجل. ما أنت عامل راجل، وبتقف تزعق للشعب وأنت معاك المايك، وتقول (لو حد قرب من مصر، أنا هأشيله من على وش الأرض شيل)، ليه ياخويا فاكر نفسك كابتن أميركا؟!”.

وهاجم “علي” السيسي مباشرة حين قال: “اسمع يا راجل يا “بأف”، لو حد جه ناحية مصر، المصريين يدافعوا عنها بدمهم، إحنا كلنا مع بعض، مش أنت لوحدك يا عرة.. ده أنت قزعة، وبترفع البنطلون لحد صدرك، مش مكسوف. أنا بقالي 7 سنوات مخنوق منك، وقلت لمرسي ارحل، عشان مش مقتنع بإدارته للبلد، لكن ده المصريين اختاروه، ولو طلع فيه الخير آهو مصلحة للبلد”.

كان الممثل ورجل الأعمال المصري محمد علي، قد ظهر في فيديو على صحفته عبر فيسبوك، الاثنين، وجه فيها اتهامات بالفساد إلى الرئيس السيسي وزوجته انتصار، وقياد القوات المسلحة المصرية.

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

التخطي إلى شريط الأدوات